عقدة الخواجة

“عقدة الخواجة”

“عقدة الخواجة” هي مصطلح منتشرة بقالوا فترة كبيرةبشكل كبير.. كل فترة بيطلع ظاهرة جديدة تعد فترة معينة و بعدين تبقي قديمة و تيجي اللي بعدها لكن موضوع “عقدة الخواجة” بقي منتشر بزيادة و في تمادي و توسع مستمر.. الكلمتين دول ببساطة جدا هما كلمتين يسعبروا عن الحالة النفسية لحبة ناس في الوطن العربي، بيتقال عن الناس اللي كرهه اي حاجة عربية او شرقية و مقتنعين اقتناع تام ان اي حاجة الغرب بيعملوها اي احسن و احلي و صح من غير تفكير سواء اكل، لبس، طريقة كلام، طريقة تفكير و حتي الحاجات اللي بيشتروها.. مبقاش فيه تفكير دة صح و لا غلط بس الحاجات دي بتتعمل لمجرد تقليد الغرب لأن مبقاش فيه ثقة في نفسهم و لا ثقة في المجتمع الشرقي اللي حواليهم.

الموضوع دة ظاهر بشك كبير بين سن معين من الشباب لكن الشباب دول كبروا و للاسف بثوا الافكار دي لأولادهم فبقي الجيل الجديد كله متشبث بالفكرة دي اكتر و اكتر.. بقي دلوقتي اللي بيتكلم انجليزي و يسمع اغاني غربية و بيشتري حاجات مستوردة و بيكتب Franco Arab علي مواقع التواصل الاجتماعي بقي احسن من اللي بيكتب عربي و يتكلم عربي و عايشزي اي واحد عربي عايش دة غير كدة كمان بيتقال عليه “انت دقة قديمة” .. بقينا نحكم علي اللي حوالينا و فرضنا اسلوب عيشة معين بين الناس.

الفكرة دي مسيطرة علي كل اللي حوالينا بقي نادر لما تلاقي حد معتز و فخور بالمجتمع الشرقي و بالعادات و التقاليد العربية الشرقية.. دة حتي نادي الأهلي المصري بقالوا ٣٠ سنة او اقل متمسك بمدأ ان المدرب الأجنبي احسن من المدرب المصري.. غير ظاهرة ال Movie Night بين الاصحاب مع ان عادي جدا ان ممكن تعزم صحابك في البيت و تتفرجوا علي فيلم من غير ما تقول انهاردة Movie Night بس مجرد ان المصطلح دة بيتقال علي اللمة دي بقي الناس تقولوا .. و كمان ال Sleep Over لما واحدة تبات في بيت صاحبتها، كل حاجة بقي ليها مسميات علي حسب الغرب بيقولوا عليها اية، كل الافعال بقيت علي حسب هما بيعملوا اية و عايشين ازاي.. ظهر طبعا موضة Halloween Parties و بقي اللي مش بيحتفل بال Halloween دة شخص مش بيفهم اوي ..

 “عقدة الخواجة” مبقتش بس بين الناس و بعضها بالعكس دة كل مدي الموضوع بينتشر و يكبر اكتر و الناس بقيت متشبثة بيه جدا .. دة لو شخص مصري مسافر برة مصرساعات بيعمل نفسه مش مصري و يعيش في دور الاجنبي من كتر ما هو مش واثق في نفسه و لا واثق في انه مصري عربي الجنسية و الاصل، شايف و مقتنع ان الاجانب احسن من العرب في كل حاجة.. دة حتي الموضوع دة اثر علي الجواز في مصر بشكل كبير لأنه اثر علي شكل العلاقة و التعاملات.

حتي المستثمر المصري مسيطرة عليه الفكرة بشكل جامد اللي بيأثر علي ٧٠٪ من التعاملات اليومية في البورصة المصرية، مقتنع تماما ان احسنلوا يشتري اسهم اجنبية احسن من العربية.

من الحاجات المضحكة في الموضوع دة ان في صفحة علي موقع التواصل الجتماعي Facebook اسمها “عقدة الخواجة” من اسمها الواحد يفهم انها بتوعي الناس انهم يبطلوا التفكير في الغرب اكتر بس للاسف الصفحة دي بتعل الناس اللغة الانجليزية و ازاي يبقوا زي الغرب في بعض الحاجات!

من غير ما نحس هنلاقي نفسنا متأثرين جدا بالموضوع دة في حياتنا حتي في الحاجات اللي بنشتريها بنشوف اول حاجة هو المنتج دة صناعة اية طبعا لو صناعة اجنبية بنجيبوا و احنا مغمضين لأن طبعا حاجة موثوق فيها انما لو صناعة عربية بنفكر الف مرة قبل ما نشتريه.

بنقلد الغرب و احنا مغمضين دة حتة يوم Black Friday اليوم العالمي للتخفيضات في كل المحلات في الخارج عملناه في مصر طبعا و كمان في موقع حب يحط اللمسة المصرية و يسميه White Friday و كدة هو مش بيقلد برة طبعا..

بقي شئ عادي ان احنا نروح اي مطعم و نلاقي قائمة الاكل بالانجليزي علي اساس ان كدة بيعكس ان المطعم دة كويس جدا و شيك اوي و لو كتب حاجة بالعربي هيبقي مش مطعم كويس.. و لو رايح تشتري حاجة هتلاقة الورقة بتاعت المعلومات كلها بالانجليزي حتي لو المنتج مصري..

الموضوع تطور بشكل رهيب “عقدة الخواجة” موجودة و منتشرة و بتزيد.. بقينا نلبس و نتكلم و نتعامل زي الغرب، بقينا شايفين ان اللي بيعملوه هو الصح بدون تفكير دة مناسب لعاداتنا و تقاليدنا و مجتمعنا و لا لأ.. حلو ان احنا نكون علي دراية كاملة بامجتمعات الغربية بس مش حلو ان يكون مفيش فيه ثقة في نفسنا كعرب او اي حاجة شرقية.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s